Ushtarët austriakë me “low cost” për në Kosovë

Sot në mëngjes 143 ushtarë janë nisur nga hangari i Klagenfurtit për helikopterë të ushtrisë, dhe jo si zakonisht nga Aeroporti i Linzit, për në Kosovë

Forcat e armatosura të Austrisë janë duke ndjekur një kurs të ashpër kursimi. Nga ky kurs nuk janë përjashtuar as fluturimet e ushtarëve për në Kosovë, ku Autsria ka të stacionuara trupat e saj në kuadrin e KFOR-it që nga përfundimi i luftës atje.

Sot në mëngjes 143 ushtarë janë nisur nga hangari i Klagenfurtit për helikopterë të ushtrisë, dhe jo si zakonisht nga Aeroporti i Linzit, për në Kosovë,. Pasi që shumica e ushtarëve janë nga regjioni Kärnten, në këtë mënyrë po kursehet duke evituar transportin e tre deri në Linz, ka thënë për orf.at komandanti i trupave që kanë fluturuar për në Kosovë.

Por, nuk është vetëm kjo. Zakonisht ushtarët barten me aeroplanin transportues ushtarak Hercules, ndërsa kësaj here kjo ndodh me një aeroplan udhëtarësh, në pronësi polake të tipit Boeing 737, me çmim të lirë, që operohet nga forcat ajrore daneze. Poenta e kursimit këtu qëndron në faktin se një Hercules-i do t`i duheshin tri fluturime për t`i bartur të gjithë ushtarët që në këtë mënyrë janë bartur me vetëm një fluturim.