Cili vend ka transportin më të lirë publik?

Autorët thonë se studimi i tyre ka disa kufizime, ngase mbulon vetëm 51 vende, ndërsa indeksi i çmimeve mbulon të gjitha llojet e trafikut: autobusë, trena dhe aeroplanë

Ilustrim

Çmimet e trafikut publik janë më të shtrenjta në Zvicër, Austri dhe Belgjikë, sipas një studimi nga kompania për hulumtime “GoEuro”. Ndërsa transportin publik më të lirë e kanë në Afrikën e Jugut, Shqipëri dhe Malajzi, ndërsa në vendin e katërt dhe të pestë vijnë Tajlanda dhe Ukraina.

Siç shihet nga disa segmente të trafikut, Danimarka ka trenat më të shtrenjtë, kur çmimi i një bilete mesatare është 30.4 € për 100 kilometra rrugë, e ndjekur nga Zvicra dhe Austria me 29.1 dhe 24,4 €.

Pasagjerët në Belgjikë paguajnë 17 € mesatarisht për 100 kilometra.

Biletat e autobusit janë më të shtrenjta në Holandë, Austri dhe Norvegji, ku shuma mesatare (100 kilometra) është 21.7 €, 17.8 dhe 16.4 € . Më shtrenjt është në Zvicër dhe në Australi.

Belgjika figuron e gjashta me një çmim mesatar prej 11.8 eurosh të biletave, ndërsa vjen Egjipti. Pas Egjiptit, bileta e autobusit për 100 kilometra rrugë kushton më së liri prej 1,4 € në Ukrainë, Tajlandë, Shqipëri dhe Afrikë të Jugut.

Autorët e studimit, megjithatë, thonë se hulumtimi i tyre ka disa kufizime, ngase mbulon vetëm 51 vende, ndërsa indeksi i çmimeve mbulon të gjitha llojet e trafikut: autobusë, trena dhe aeroplanë.

Së fundi, ky studim nuk merr parasysh fuqinë blerëse të njerëzve dhe cilësinë e trafikut.
Vendet që kanë çmime më të larta të biletave në transportin e udhëtarëve ndoshta kanë edhe cilësinë më të mirë të shërbimit, kanë përfunduar autorët e këtij hulumtimi.