Vala e nxehtësisë kaplon Zvicrën

Nga dita e hënë, Zvicra po përgatitet për valën e nxehtësisë, që për pak mund të arrijë edhe rekordin e mëparshëm me 36.9 gradë Celsius

Temperaturat mund të arrijnë deri në 35C në fillim të javës së ardhshme, tha shërbimi kombëtar meteorologjik.

Nga dita e hënë e javës së ardhshme, temperaturat në Zvicër do të arrijnë deri në 35 gradë Celsius, raporton “MeteoSwiss”.

Të hënën temperaturat pritet të arrijnë në 33 gradë, derisa më nxehtë do të jetë të martën e të mërkurën, përcjell albinfo.ch.

Sidoqoftë, mbetet të shihet nëse do të ketë ndonjë rekord për muajin qershor.

Dita më e nxehtë e qershorit ishte regjistruar në Cyrih, 36C, derisa 36.4C ishte në Gjenevë dhe 33.9C në Bernë. Rekordi i përgjithshëm ishte në Bazel, 36.9C.

---