Cyrih: Mijëra njerëz marshuan në Paradën e Krenarisë

(KEYSTONE/Melanie Duchene)

Parada e Krenarisë në Cyrih sot mblodhi mijëra njerëz në rrugët e qytetit, për të përkrahur lëvizjen për të drejtat e komunitetit LGBTI dhe fushatën kundër diskriminimit në bazë të orientimit seksual.

Komuniteti LGBTI sot shënoi dy përvjetorë: 50-vjetorin e trazirave në Stonewall; protesta në New York, që nga shumë njerëz konsiderohet si themeli i lëvizjes për të drejtat e njeriut, shkruan swissinfo.ch. Ngjarja e sotme, po ashtu, shënoi 25-vjetorin e një parade të tillë, përcjell albinfo.ch.

Ajo që nisi si tubim i 1000 njerëzve në vitin 1994, është kthyer në një ngjarje mjaft të përhapur. Këtë vit, organizatorët vlerësuan se rreth 31 mijë njerëz iu bashkuan marshit (rreth 10 mijë më shumë se vitin e kaluar) dhe se 55 mijë njerëz morën pjesë gjatë dy ditëve në festival.

Ky organizim është përkrahur edhe nga qeveria e shtetit. Për të shënuar këtë aktivitet, organizatorët dhe qeveria e zhvendosën festivalin pranë liqenit të Cyrihut. Aty u shfaqën disa kalime për këmbësorë dhe shenja rrugësh me ngjyrat e ylberit, e po ashtu projektuan ngjyrat në objektin e Operës së qytetit.

Quaibrucke, një ndër urat kryesore mbi lumin Limmat, u riemërtua Gaybrucke për këtë ditë, përcjell albinfo.ch.

Lajmi i plotë në swissinfo.ch.