Meta nis takimin me partitë për datën e re të zgjedhjeve

Presidenti i Shqipërisë, Ilir Meta, ka nisur pasdite konsultimin me partitë për caktimin e një datë të re për zgjedhjet lokale, pasi ditë më parë shfuqizoi dekretin për 30 qershorin.
Në Presidencë të parët kanë shkuar aleatët e Partisë Demokratike: Agron Duka, Dashamir Shehi, Vangjel Dule, Arjan Madhi dhe Nard Ndoka, përcjell albinfo.ch.
Para bisedimeve me presidentin, aleatët janë takuar me kreun e PD-së, Lulzim Basha, ndërsa në përfundim kanë shmangur komunikimin me mediat.
Mediat në Tiranë raportojnë se nuk është diskutuar ndonjë datë konkrete, ndërsa opozita do të mbajë të njëjtin qëndrim, zgjedhje mund të ketë vetëm kur të largohet kryeministri Edi Rama.