17 vjeçarja nga Kosova tregon për sfidat që kaloi në Everest

Mrika Nikqi vetëm 17 vjeçe, së bashku me babain e saj Nitin, realizoi majën më të lartë të botës, Everestin. 

Ajo tani do niset për në Denali, njerën nga majet më të vështira në grupin Seven Summits. 

“Ishte qëllimi im, ishte ëndrra ime e cila më pëercolli vazhdimisht që nga fillimi i vitit 2018. Në fillim mendoja se është një ëndërr e parealizueshme, kishte persona që më inkurajonin dhe më dekurajonin por, vendosa të jem shumë e diciplinuar dhe e fokusuar në kordinimin e guximit, qëndrueshmërisë psiqike dhe fizike arrita qëllimin tim”, shkruan Mrika. 

Mrika ka treguar se në Everest gjithçka punon kundër trupit dhe personalitetit tënd dhe se ajo që të ndalon të vazhdosh përpara është koha e papërshtatshme, orteqet e shumta, mungesa e ajrit, përcjell albinfo.ch. 

“Kjo sezonë e ngjitjes në Everest ishte tragjike për 11 alpinista të vdekur nga tërë bota, për të cilët ndjejë shumë keqëardhje, mirëpo, meqenësë isha personi më i ri në kampin bazë të Everestit i jam mirënjohëse të gjithë atyre udhëheqësve të CTSS, të cilët duke pasur në konsiderat moshën time gjithmonë më inkurajuan për këtë ngjitje sfiduese”, ka shtuar Mrika.