“FAB” në Kosovë për të eksploruar mundësitë ekonomike të vendit

Klubi i biznesit France-Albanie-Business po viziton Kosovën për herë të parë për të eksploruar mundësitë ekonomike të vendit. 

Ata do të organizojnë një simpozium ekonomik ditën e premte, më 22 mars, në orën 11 në hotel “Sirius” në Prishtinë.

Ky forum i lejon anëtarët e FAB të lidhen me ekonominë lokale dhe të kuptojnë më mirë mjedisin e biznesit dhe më gjerë, si dhe klimën e biznesit, përcjell albinfo.ch.

Nga diskutimet do të identifikohen mundësitë potenciale të zhvillimit të biznesit në vend.

Klubi i biznesit France-Albanie-Business (FAB) është një organizatë joqeveritare që mbledh biznesmenë shqiptarë dhe francezë. Me bazë në Lyon (Francë), FAB synon të promovojë dhe të zhvillojë lidhje ekonomike dhe kulturore mes Francës dhe vendeve të shqipfolëse, përcjell albinfo.ch.

Lidhur me Bashkimin Evropian nga Marrëveshja e Stabilizim Asociimit (MSA), Kosova ka asete të rëndësishme që mund t’u interesojnë kompanive franceze: një sistem financiar dhe bankar i qëndrueshëm, euro si monedhë e përbashkët, një harmonizim progresiv i legjislacionit ligjor, fiskal dhe social mbi standardet e  BE-së, një popullsi të re, të arsimuar dhe shumëgjuhësore (70% e atyre nën 35 vjeç), një kornizë ligjore që garanton trajtim të barabartë të investitorëve vendas dhe investitorëve të huaj.

 

Agjenda e detajuar

11: 00-11: 30 – Hapja dhe fjalime hyrëse nga:

➢ Endrit Shala, ministër i Tregtisë dhe Industrisë

➢ Shkëlqesia e tij, z. Didier Chabert, ambasador francez në Kosovë

➢ Znj. Florence Dobelle, Shefe e Shërbimit Ekonomik Rajonal të Ballkanit të Danubit – Ministria franceze e Punëve të Jashtme

➢ Z. Denis di Leonardo, themelues i Shoqatës së Bizneseve Franceze Albaneze (FAB)

Moderatori z. Gasmen Toska, kryetar i FAB-it

11: 30-13: 00 – Tryeza e rrumbullakët: Pse dhe si të investoni në Kosovë?

5 minuta fjalime hyrëse të ndjekura nga shkëmbime me:

➢ Z. Berat Rukiqi, Kryetar i Odës Ekonomike në Kosovë: Sfidat kryesore për zhvillimin e biznesit në Kosovë

➢ Z. Vadim Deleu, Zyra e Bashkimit Evropian në Kosovë: Iniciativa Evropiane për të përmirësuar klimën e biznesit në Kosovë

➢ Znj. Violeta Haxhillazi, Mazars Kosova: Kuadri fiskal dhe stimujt e taksave në Kosovë

➢ Z. Kreshnik Thaçi, Agjencia Kosovare për Investime dhe Përkrahje të Ndërmarrjeve (KIESA): Korniza Ligjore dhe Nxitjet për Investitorët e Huaj.

 

---