“Do të më vrisnin po të shkoja në burg”

Ish-kryeministri i Maqedonisë, Nikolla Gruevski, ka thënë se ai nuk ka qenë i sigurt të dorëzohet tek autoritetet e vendit të tij, për shkak të sigurisë personale.

Në një intervistë për televizionin italian RAI, Gruevski ka deklaruar se po të rrinte në Maqedoni, do të ishte në rrezik për t’u vrarë.

Ai ka thënë se ka pasur fushata për likuidimin e tij. Gruevski u arratis në Hungari, ku mori azilin politik, pasi u dënua me burgim prej 2 vjetëve për rastin ‘Tanku’.