Pezullohet greva në Aeroportin e Prishtinës

foto: Bujar Gashi

Është pezulluar për një javë greva e kontrollorëve ajrorë në Aeroportin Ndërkombëtar “Adem Jashari”. Kryetari i Sindikatës së kontrollorëve ajrorë, Artan Hasani, ka thënë se pezullimi i grevës është bërë që t’u jepet kohë institucioneve që t’i analizojnë kërkesat e tyre. 

Hasani ka thënë se greva është ndërprerë edhe për shkak të diasporës, e cila ka kërkuar të mos ketë grevë për shkak të festave, përcjell albinfo.ch.

Sipas tij, nëse institucionet nuk i plotësojnë kërkesat e tyre, atëherë do të hyjnë në grevë të premten, të shtunën dhe të dielën nga 12 orë.