Ndalimi i simboleve fetare për nëpunësit civil dhe politikanët

Me 55 për qind Gjeneva i thotë po Ligjit të diskutueshëm laik

Në Gjenevë, punonjësit e shtetit dhe politikanët nuk do të mund të mbajnë asnjë shenjë të përkatësisë fetare, të tilla si shamitë e kokës, shkruajnë mediat zvicerane, transmeton Albinfo.ch.

Sipas rezultateve të pjesshme, popullata e Gjenevës ka miratuar një ligj të ri për ndarjen e kishës dhe shtetit.

Sipas rezultateve paraprake, bazuar në 95 për qind të fletëve të votimit të numëruara, 55.56 për qind e votuesve miratuan të ashtuquajturën Ligjin laik.

Ai riafirmon parimin e neutralitetit të shtetit në çështjet fetare. Për më tepër, Ligji i ri ndalon, përveç rasteve të jashtëzakonshme, demonstrime fetare në vende publike. Pozita e kishave në çështjet financiare është përmirësuar gjithashtu.

Partitë e krahut të majtë, sindikatat, shoqatat feministe dhe myslimane paralajmërojnë referendum kundër rishikimit të ligjit. Kritikët e konsiderojnë ligjin si armiqësor ndaj Islamit.

---