“McDonald’s” do të dërgojë hamburgerët nëpër shtëpi

(KEYSTONE/Gaetan Bally)

Zinxhiri për ushqim të shpejtë “McDonald’s” fillon nga Gjeneva me një shërbim të shpërndarjes së ushqimeve nëpër shtëpi (McDelivery).

Me këtë, konsumatorët mund të kenë hamburgerët dhe patate të skuqura në shtëpitë e tyre. Oferta tani është në dispozicion në Gjenevë. Këtë vit, më shumë qytete zvicerane duhet ta ndjekin modelin e njëjtë, siç shkruan kompania në një deklaratë për shtyp, përcjell albinfo.ch.

Menytë e porositura do të sillen në maksimum prej 30 minutash me biçikletë ose motor. Fusha e shpërndarjes është maksimumi 2.5 kilometra.

Tarifa e shpërndarjes është një normë paushalle 4.90 franga. “Uber Eats” tashmë punon me mbi 8,000 restorante të “McDonald’s”, në 27 vende të botës. Vetëm në Francë, partneriteti përfshin më shumë se 500 restorante “McDonald’s” në 59 qytete.