Vret hajnin në vetëmbrojtje, nuk arrestohet

Mbrëmë në lagjen “Veternik” të Prishtinës ka ndodhur një vrasje, pasi katër persona kishin mësyrë një shtëpi për ta plaçkitur.

Me këtë rast, siç njoftoi Policia e Kosovës, hajnat ishin të armatosur dhe mes tyre e viktimës, pronarit të shtëpisë, kishin nisur të shtënat.

Gjatë kësaj përleshjeje të armatosur, njëri nga hajnat ka mbetur i vrarë. Pronari i shtëpisë nuk është arrestuar, pasi, sipas prokurorit Ibrahim Berisha, ai ka pasur armë legale dhe nuk është arrestuar, meqë është vlerësuar se bëhet fjalë për vetëmbrojtje.

“Të shohim tash si do të rezultojnë hetimet dhe si do të përfundojnë ato lidhur me këtë rast”, ka thënë Berisha.