Tenori Ramë Lahaj bëhet me pasaportë diplomatike kosovare

Ramë Lahaj, tenori kosovar me famë botërore gjatë ditës së sotme është bërë me pasaportë diplomatike kosovare.

Lajmin e ka bërë të ditur vetë tenori Lahaj por edhe Kryeministri Ramush Haradinaj.

“Sot kisha nderin dhe privilegjin të pranoja pasaportën diplomatike kosovare dhe që nga sot e tutje edhe zyrtarisht jam Ambasador global i Kulturës së Kosovës”, ka shkruar Lahaj në Facebook.

Kryeministri Haradinaj ka thënë se Lahaj nga sot është ambasador kulturor i Kosovës.

“Tenori i mirënjohur, Ramë Lahaj, që i ka pushtuar skenat prestigjioze dhe ka prekur majat e artit botëror, nga sot është ambasador kulturor i Kosovës. Si imazhi ynë më i mirë në botë, tenorit Lahaj, pata nderin t’ia dorëzoj pasaporten diplomatike të Republikës së Kosovës”, ka shkruar Haradinaj.