Sonte Zvicra sfidohet nga Islanda

Ndeshja zhvillohet në Islandë nga ora 20:45 në kuadër të Ligës së Kombeve

Liga e Kombeve vazhdon sonte me ndeshje shumë interesante, ku Zvicra është mysafire e Islandës, takim që zhvillohet nga ora 20:45, shkruan albinfo.ch.

Në takimin e parë Zvicra e kishte mundur Islandën me rezultat 6:0, ku kishin shënuar Xherdan Shaqiri, Admir Mehmedi dhe Albian Ajeti.

Granit Xhaka dhe Shaqiri pritet të jenë titullarë për Zvicrën, ku Xhaka do të jetë kapiten, kurse pjesë e Zvicrës janë edhe Florent Hadërgjonaj dhe Albian Ajeti.

Pjesë e këtij grupi është edhe Belgjika që kryeson me gjashtë pikë, Zvicra ka tre dhe Islanda ndodhet e fundit pa pikë.

---