Zaev: Kuvendi është shtëpia që do ta përcaktojë ardhmërinë e shtetit tonë

Për të kaluarën Marrëveshja e Prespës, që parasheh edhe ndryshimet Kushtetuese, duhet të votohet nga 80 deputetë - pra nevojitet edhe përkrahja e dhjetë deputetëve të OBRM-PDUKM.

Pas presioneve të politkanëve perëndimorë, duket se Maqedonia mund ta ratifikojë Marrëveshjen e Prespës në kuvend, i cili do mblidhet të hënën në ora 11:00, njofton albinfo.ch. Vetë komisioneri i zgjerimit europian, Johanes Hahn kërkoi nga Shkupi që të mos shkojë në zgjedhje të parakohshme, kurse grupi më i fuqishëm politik europian PPE kërcënoi opozitaren maqedonase OBRM-PDUKM që do e përjashtojë nga grupi në rast se kërcënon deputetët e saj.

“Kuvendi i Republikës së Maqedonisë është shtëpia që do ta përcaktojë ardhmërinë e shtetit tonë. Deputetët duhet ta përkrahin ardhmërinë e Maqedonisë. Të votojnë në pajtueshmëri me vullnetin e qytetarëve dhe me bindje personale. Qytetarët presin vendim nga i cili njihet lidershipi. Çështja e integrimit të Maqedonisë në NATO dhe BE është çështje e përgjegjësisë, kurse përkushtimi ndaj interesit të qytetarëve është arsye e mjaftueshme të anashkalohen të gjitha kërcënimet dhe frikësimet”, tha kryeministri Zoran Zaev, i cili duket më se i vendosur për zgjidhje të çështjes në kuvend dhe jo përmes zgjidhjeve parlamentare.

Për të kaluarën Marrëveshja e Prespës, që parasheh edhe ndryshimet Kushtetuese, duhet të votohet nga 80 deputetë – pra nevojitet edhe përkrahja e dhjetë deputetëve të OBRM-PDUKM.

---