Lirohet nga autoritetet serbe kosovari i arrestuar në gusht

Zëvendëskryeministri i Kosovës, Behgjet Pacolli ka njoftuar se mërgimtari Ibrahim Matoshi është liruar nga autoritetet serbe.

Matoshi ishte arrestuar në gusht nga autoritetet serbe në pikën kufitare “Dheu i Bardhë” derisa po hynte në Kosovë.

“Sapo morra informacionin nga Zyra Ndërlidhëse e Republikës së Kosovës se avokati i z. Ibrahim Matoshi i ka informuar për lirimin e tij. Ne do të presim për konfirmimin përfundimtar zyrtar dhe kthimin e z. Matoshi në territorin e Kosovës, ashtu që familjarët e tij, dhe të gjithë ata që janë marrë me këtë rast aktivisht, të ndjejmë lehtësim emocional e shpirtëror”, ka shkruar Pacolli.

Ibrahim Matoshi po mbahej në burg nga policia serbe që dy muaj.