Nuri Seferi i kthehet ringut në Zvicër

Boksieri i njohur shqiptar, do ta zhvillojë duelin e radhës më 26 dhjetor, në natën e dytë të krishtlindjeve, në Bernë të Zvicrës

Kampioni evropian në kategorinë WBO dhe numri 4 i botës në “CruiserWeight”, Nuri Seferi, do ta zhvillojë duelin kryesor në natën e dytë të krishtlindjeve në Zvicër.

Seferi rikthehet në ring nga përballja e suksesshme e tij në Shkup me serbin Nenand Stankoviq, të cilin e nokautoj që në raundin e parë.

Në duelin tjetër spektakolar në Kursaal të Bernës, që është titulluar “BOXING DAY”, organizatorët kanë kërkuar një kundërshtar të fort përball kampionit shqiptar, i cili prej vitesh jeton në Zvicër.

Shqiptari nga Gostivari i Maqedonisë, i cili jeton në Bernë të Zvicrës dëshiron të pushtojë renditjen botërore në kategorinë “CruiserWeight”, thuhet në faqen zyrtare të Nusi Seferit.

Në këtë mbrëmje pritet të ngjiten në ring edhe boksierët zviceranë në mesin e tyre edhe shqiptari i peshave të rënda Arnold Gjergjaj.