Loja e mirë e Shaqirit nuk e pengoi dot humbjen e Bajernit

Shaqiri ka siguruar asistin për golin që e shënoi Ribery pas lojës së rregullt, gjegjësisht në minutën 91

Skuadra Bate Borisov nga Bellorusia ka befasuar kolosin e  futbollit gjerman, Bajernin, duke fituar në Minsk kundër tij me rezultat 3:1. 

Golat për skuadrën vendëse i kanë shënuar Pawlow, Rodionov dhe Bressan.

Xherdan Shaqiri është inkuadruar në lojë vetëm nga minuta e 58, në vend të Martinezit. Ai ka siguruar asistin për golin e vetëm të Bajernin, atë që shënoi Ribery në minutën e parë të vazhdimit pas lojës së rregullt, gjegjësisht në minutën 91.

Skuadra me numër rekord titujsh në bundesligë me këtë humbje ka shënuar humbjen e parë nga dhjetë ndeshjet e deritashme të rregullta. Bëhet fjalë për ndeshjet në kampionatin gjerman dhe ato për kupëm e Ligës së kampionëve.

Para dy javësh, bellorusët kishin fituar po ashtu me rezultat 3:1 kundër skuadrësn franceze Lille, duke shënuar kështu fitoren e parë në përgjithësi në Champions League.