Shtrenjtohen çmimet në transportin publik

Ngritja do të jetë 5 për qind, pak më e vogël në krahasim me atë që kishin planifikuar bartësit e transportit publik

Udhëtimi me tren dhe me autobus, duke filluar nga dhjetori i këtij viti do të jetë për 5 për qind më i shtrenjtë. Për këtë ngritje çmimi kanë arritur ujdi Federata e transportit publik me organizatën që mbron konsumatorët, Preisüberwacher. 

Sipas kësaj marrëveshjeje, ngritja do të jetë pak më e vogël në krahasim me atë që kishin planifikuar bartësit e transportit publik.

Kështu, me të renë, nga 9 dhjetori kur bëhet ndryshimi vjetor i orarit të trenave dhe autobusëve, çmimi normal i biletës për klasën e dytë do të jetë 4.3 për qind më i lartë. Ndërsa ngritja e çmimeve do të jetë më e lartë për biletat e klasës së parë, gjegjësisht në mes të 6.5 dhe 7 për qind.

Bazuar në marr¨veshjen e arritur, nuk do të ketë ngritje të re çmimesh në transportin publik pa kaluar dy vite nga kjo ngritje. Respektivisht, shtrenjtimi i ardhshëm i çmimeve mund të ndodhë vetëm nga dhjetori i vitit 2014.