Gjermani, grushte dhe shqelma shqiptarit

Një shqiptar 23 vjeçar nga Kosova ndeshet rastësisht në rrugë afër stacionit hekurudhor me një gjerman 53 vjeç nga Munihu. Ky i fundit i drejtohet shqiptarit dhe e shan me: “ Humb prej këtu, i huaj m…”. Shqiptari menjëherë ia kthen: “nazist m…”. Pas këmbimit të sharjeve ka qenë gjermani ai i cili ka goditur shqiptarin dy herë me grushte në kokë.

Kjo ka ndodhur në orën 05.45 të mëngjesit, ndërsa kosovari ishte i shoqëruar nga një bashkëkombës i tij 25 vjeçar. 

Kur policia kishte mbërritur në vendin e ngjarjes, ata kanë hasur 53 vjeçarin me çizme kaubojësh duke goditur me shqelma kosovarin.

Policia ka konstatuar se sulmuesi ka qenë nën ndikimin e alkoolit, kështu që e ka marrë atë në stacionin policor ku ia ka kontrolluar sasinë e alkoolit në gjak ndërsa si mjete për dëshmi ia ka marrë çizmet. Pas kësaj ai është lënë i lirë.

Ndërkohë organet kompetente kanë filluar hetimet kundër gjermanit të dhunshëm.