Ana Spaqi, fëmija i parë i Krishtlindjes në Schaffhausen

Ana Spaqi ka ardhur në jetë më 24 dhjetor në orën 0.47. “Termini për lindje ishte në fakt më 13 dhjetor”, thotë e ëma, Magdalena Spaqi. “Por Ana, thjesht dëshironte të vinte në jetë vetëm më 24 dhjetor”

Magdalena dhe Nue Spaqi kanë marrë një dhuratë të veçantë për Krishtlindjen! Atyre u ka lindur një fëmijë pikërisht më 24 dhjetor, shkruan gazeta “Schaffhauser Nachrichten”.

Shumica e fëmijëve gëzimin më të madh e kanë në dy raste: për ditëlindjen e tyre dhe për Krishtlindjen. Atëherë ata do të merren me të mirë dhe do të marrin dhurata. Te vogëlushja Ana Spaqi, këto dy festa kanë rënë për një ditë. Ajo ka ardhur në jetë më 24 dhjetor në orën 0.47. “Termini për lindje ishte në fakt më 13 dhjetor”, thotë e ëma, Magdalena Spaqi, transsmeton albinfo.ch.  “Por Ana, thjesht dëshironte të vinte në jetë vetëm më 24 dhjetor”.

Operacioni i lindjes që ka zgjatur rreth 12 orë ka rrjedhur mirë. Edhe babai, Nue Spaqi ka qenë aty dhe e ka mbështetur të shoqen.

Paraprakisht, shoqet kishin organizuar një festë për foshnjën, ku Anës dhe familjes së saj iu sollën shumë dhurata. “Emri Ana më ka pëlqyer gjithmonë dhe unë e dija se kur të kem një vajzë do ta pagëzoja me këtë emër”, thotë e ëma. Ajo është zvicerane me rrënjë kosovare dhe burri ka ardhur më vonë nga Kosova. Ata janë njohur përmes facebook-ut. “Kushëriri im e njihte atë para meje, ishin fqinj. Ka filluar me një kërkesë të thjeshtë miqës”, thotë Magdalena Spaqi. Janë martuar para katër vitesh e dy muajsh.

“Tash pasi që jemi tre veta, jemi familje e vërtetë”, thotë babai. Ne i gëzohemi të ardhmes së përbashkët, transmeton albinfo.ch.  Është një mrekulli që Ana lindi më 24 dhjetor. Kjo është dhurata më e madhe”, thotë Magdalena Spaqi. Për gruan e rritur si katolike është e veçantë rrethana që e bija e saj është një “fëmijë i Krishtit”. Krishtlindja do të jetë tash e tutje një festë edhe më e madhe”, thotë ajo. Është bukur se Ana ka ditëlindjen pikërisht këtë ditë pasi që e gjithë familja është bashkë. “Ne duam ta rrisim atë në frymën katolike dhe do ta pagëzojmë”, thotë babai Nue.