Më së shpeshti falimentojnë firmat e ndërtimit

Zyrat e falimentimit në Zvicër duhej të hapnin procedurat e falimentimit për mbi 4298 kompani nga janari deri në nëntor. Kjo është një rritje prej tre për qind në krahasim me të njëjtën periudhë të vitit të kaluar

Shumica e falimentimeve të biznesit në Zvicër ndodhin në industrinë e ndërtimit. Në këtë fushë, rreziku i falimentimit është pothuajse tri herë më i lartë se mesatarja për të gjitha industritë tjera.

Kjo del nga shifrat për muajt janar-nëntor 2017 të publikuara nga firma konsulente Bisnode D & B të premten. Sipas kësaj analize, industria e turizmit dhe zejtarisë janë gjithashtu në rrezik serioz të falimentimit.

Nga ana tjetër, ka lëmenj në të cilët ka shumë pak falimentime. Sidomos dega e pasurive të paluajtshme qëndron jashtë rrezikut, shkruan albinfo.ch.  Atje, rreziku i falimentimit është vetëm sa rreth një e treta e mesatares së të gjithë sektorëve. Rreziku është gjithashtu relativisht i ulët edhe në mbajtjen e kompanive të investimeve si dhe në konsulencën e korporatave dhe tatimeve.

Në total, zyrat e falimentimit në Zvicër duhej të hapnin procedurat e falimentimit për mbi 4298 kompani nga janari deri në nëntor. Kjo është një rritje prej tre për qind në krahasim me të njëjtën periudhë të vitit të kaluar.

Më së shumti është rritur numri i falimentimeve në Tiçino (+ 12 përqind). Kjo pasohet nga Zvicra jugperëndimore dhe Zvicra qendrore (+4 për qind). Bankrotimet kanë mbetur pezull në Zvicrën veri-perëndimore, ndërkohë që ato kanë rënë në Cyrih (-3 për qind) dhe në Zvicrën Lindore (-6 për qind).

Përveç rasteve të falimentimit, 1920 kompani në Zvicër u shpërbënë për shkak të mangësive organizative.

Por pavarësisht numrit në rritje të falimentimeve, po gjatë kësaj kohe ka pasur edhe më shumë hapje të firmave të reja, shkruan albinfo.ch. Një total prej 39’197 kompanive u regjistruan rishtazi në regjistrin tregtar. Kjo është një rritje prej pesë për qind.

Në një krahasim të sektorëve, industria e drurit dhe mobileve ishte industria kishin më shumë hapje të bizneseve të reja. Ajo kishte mbi dy herë më shumë firma të reja sesa mesatarja zvicerane.

Më pak kompani janë themeluar në kantonet Obwalden (-15 për qind), Glarus (-14 për qind), Appenzell Innerhoden (-12 përqind), Nidwalden (-9 përqind), Ticino (-6 përqind) dhe Graubünden (-4 për  qind).