Super liga zvicerane, javë pa befasi të mëdha

Për liderin e ligës, FC Luzern, Burim Kukeli luajti tërë ndeshjen e Jahmir Hyka u aktivizua nga minuta e parë e deri në minutën e 62

　Në derbin e xhiros së 11 të Super ligës Zvicerane në futboll u takuan i dyti dhe i pari në　renditje: Young Boys-Luzern. Fitorja u takoi vendësve me rezultat minimal 1 :0. Me këtë fitore tani YB zvogëloi epërsinë ndaj liderit, në vetëm një pikë. Derisa për vendësit nuk u paraqit asnjë　futbollist shqiptar, për liderin e ligës, Burim Kukeli luajti tërë ndeshjen e Jahmir Hyka u aktivizua nga minuta e parë e deri në minutën e 62

　Ndeshja derbi lokal në Zurich në mes Grasshoper dhe Zurich u ndërpre në minutën e 77 te rezultati 2: 1 për Grasshoperin. Në këtë minutë, shikuesit e Zurichut të　hidhëruar pas golit të dytë të shënuar nga vendësit tre minuta më herët, hodhën dy projektile　mbi shikuesit vendës duke lënduar gjashtë persona. Pas një ndërprerjeje prej pesë minutave, referi nuk e vazhdoi ndeshjen me arsye se mungon siguria e plotë për lojtarët.

Deri në këtë minutë për skuadrën　vendëse Orhan Mustafi luajti nga fillimi e deri në minutën e 60 për t’u zëvendësuar nga Endogan Adili. Mustafi u ndëshkua në minuten e 25 me karton të verdhë. Po ashtu edhe Mërgim Brahimi　i u aktivizua për vendës nga minuta e 27. Në anën tjetër për mysafirët Adrian Nikçi dhe Admir Mehmedi luajtën nga fillimi i ndeshjes. 　

Kampioni në fuqi Baseli fitoi bindshëm si vendës ndaj Servette 3 me 0. Për kampionin tërë ndeshjen luajti Xherdan Shaqiri kurse Granit Xhaka u aktivizua nga minuta e 64. 　

Milaim Rama dhe Muhad Demiri pësuan debakël me skuadrën e tyre Thun në ndeshjen e zhvilluar në Neuchatel. Xamax fizoi 4 me 0. Futbollisti Demiri luajti　 nga fillimi e deri në minuten e 41 kurse Rama prej minutes 41 e deri në fund të takimit, të cilët nuk mundën të ndihmojnë skuadrën e tyre të shpëtojë nga humbja. 　　Në ndeshjen Sion -Lausanne sport 1 :0, nuk u aktivizua asnjë futbollist shqiptar.