Shqipëria nga 1 maji ofron shërbime konsullore ‘online’

Ministria e Punëve të Jashtme e Shqipërisë bën të ditur se të gjitha shërbimet konsullore që deri tani ofroheshin në  përfaqësitë konsullore/diplomatike, duke filluar  nga data 1 maj 2017 do të jenë të disponueshme vetëm online, nëpërmjet kësaj platforme:  http://www.punetejashtme.gov.al/al/sherbime/sherbimet-konsullore-online Shërbimi Konsullor Online (SHKO), është projekt i realizuar nga Ministria e Punëve të Jashtme, i […]

Ministria e Punëve të Jashtme e Shqipërisë bën të ditur se të gjitha shërbimet konsullore që deri tani ofroheshin në  përfaqësitë konsullore/diplomatike, duke filluar  nga data 1 maj 2017 do të jenë të disponueshme vetëm online, nëpërmjet kësaj platforme:  http://www.punetejashtme.gov.al/al/sherbime/sherbimet-konsullore-online

Shërbimi Konsullor Online (SHKO), është projekt i realizuar nga Ministria e Punëve të Jashtme, i cili sjell ndryshime në mënyrën e ofrimit të shërbimit për shtetasit shqiptarë në botë. Kjo platformë vjen edhe si rezultat i angazhimeve të ndërmarra pas zhvillimit të Samitit të Diasporës për jetësimin e nismës “Ofrimi i shërbimeve më cilësore për Diasporën”.

Ky projekt i sapolansuar ofron procedura të automatizuara dhe gjithashtu dixhitalizimin e të gjitha shërbimeve konsullore dhe regjistrave elektronikë (gjithsej 36 shërbime unike) dhe sigurinë më të lartë.
https://www.youtube.com/watch?v=fMSVSi4WiWs