„Këto afishe janë të papranueshme“

Intervista e Ambasadorit Malaj dhënë gazetës prestigjioze «NZZ am Sonntag», 28 gusht 2011

NNZ am Sonntag: Brenda një kohe të shkurtër kosovarët kanë kryer dy  vrasje dhe një sulm me thikë. Tani SVP del me afishen nën titullin „Kosovarët therin zviceranët“. Çka mendoni për këtë?

N.M.: Fillimisht po ju them se çfarë reagimesh marrim ne nga komuniteti kosovar. Ai është i shokuar dhe i prekur thellësisht nga këto akte kriminale. Por ata nuk mund të kuptojnë se si mund  te gjykohet një grup i tërë etnik për shkak të rasteve të izoluara. Edhe unë i dënoj aktet në Pfäffikon dhe Interlaken. Por nuk duhen nxjerrë konkluzione për tërë diasporën.  Këto reklama janë të papranueshme dhe të rrezikshme.

Deri ne ç`masë të rrezikshme?

Imagjinojeni çfarë reagimesh shkaktojnë lajmet e tilla tek kosovaëet e rinj që rriten këtu. Si duhet të ndihen ata si në shtëpi, kur janë të përballur gjithmonë me stereotipet negative ? Nga gjithsej 200 000 kosovarë në vend, shumë prej tyre janë qytetarë zviceranë. Me fushata të tilla, atyre u krijohet ndjenja që janë te përjashtuar. Për bashkëjetesën sociale në vend, një gjë e tillë është sigurisht  e pafavorshme.

A keni reaguar tek SVP-ja?

Unë nuk dua t’i jap mësim  SVP-së se çfarë duhet bërë. Mirëpo mendoj se ajo duhet te jete e vetëdijshme se çfarë shkakton me fushatat e tilla. Gjithashtu do të dëshiroja që, së paku një herë, SVP-ja te raportonte për shembujt pozitivë,që janë të shumtë. Mjafton të çojmë ndër mend futbollin, ku Xherdan Shaqiri luan një rol vendimtar.

Megjithatë: Sipas statistikave, kosovarët kryejnë më shumë vepra penale se sa zviceranët.

Krahasimet e tilla i konsideroj si pak të qëllimshme. Më duket problematike qe menjëherë të nxirren konkluzione në lidhje me kombësinë sapo një kosovar kryen një krim. Për mua është e qartë: kushdo qe kryen një krim, qoftë zviceran, kosovar apo norvegjez ai ka vendin në burg. Për më tepër, pjesa dërmuese e kosovarëve është më së miri e integruar. Vetëm një pakicë e vogël ka qëndrime negative dhe ajo  përdoret për  tendenca politike.

Arsyeja e  vrasjes së gruas ne Pfäffikon për divorc a mos tregon  se tek kosovarët mbizotërojnë  rregulla që nuk e kanë vendin këtu?

Ky akt nuk ka të bëjë në asnjë mënyrë  me vlerat thelbësore të kosovarëve. Një vrasje e tille dënohet edhe në Kosovë. Nuk mund të pranojmë assesi se  krimet e tilla duartrokiten ne emër te  „traditës“. Drama familjare ka  në çdo shoqëri. Fatkeqësisht!