Dogana e Kosovës vjel 746 milionë euro, 14% më shumë se vjet

“Deri dje, Dogana ka arkëtuar 746 milionë euro që në krahasim me vitin e kaluar është 14 % më shumë se viti 2015 që ishte 658 milionë"

Në periduhën e deritashme të këtij viti, Dogana e Kosovës njofton për rritje të “të vjelave”. Kjo ka ardhur si rezultat i ndryshimeve të politikave fiskale dhe marrëveshjes së Stabilizim Asocimit, thuhet në një njoftim për media të lëshuar nga Dogana.

Në njoftim thuhet se deri më tani dogana i ka sjellë buxhetit të Kosovës më shumë se 89.1 milionë euro.

“Përkundër këtyre ndryshimeve fiskale, edhe angazhimi i doganës dhe puna e palodhshme e oficerëve doganor ka sjell të hyra më shumë për 89,1 milionë euro”, thuhet në njoftimin e Doganës.

Kjo rritje, sipas Doganave të Kosovës është për rreth 14 për qind.

“Deri dje, Dogana ka arkëtuar 746 milionë euro që në krahasim me vitin e kaluar është 14 % më shumë se viti 2015 që ishte 658 milionë. Gjithashtu edhe kundrejt projeksioneve buxhetore për viti 2016 (Dogana për këtë vit duhet të mbledh 1 miliard e 40 milionë euro), pra ne jemi 22 milionë euro apo 3.2% më shumë. Sipas trendit momental, ne do të tejkalojmë edhe projeksionin buxhetor deri në fund të vitit”, vazhdon njoftimi.

Si rezultat i MSA duke filluar nga 1 prilli i këtij viti, ka liruar mallra me vlerë të taksës doganore prej 13 milion euro, pra efekti kryesor ishte në taksën e Doganës por edhe në mbledhje e TVSH-së, thuhet në njoftim

Nga ana tjetër, shtyrja e TVSH-së nga kufiri në brendi të vendit për lëndën e parë, pajisjet prodhuese dhe teknologjinë informative ka ndikuar direkt në uljen e mbledhjes së TVSH-së me total prej 15 milionë euro më pak, përfundon njoftimi.