Policia hedhë në rrugë familjen Ademaj

Tashmë disa muaj, pensionisti kosovar kishte rënë në debate me autoritetet në qytezën Burglen. Sipas të përditshmes “20 Minuten”, protestat e Ademajt kanë marrë fund, pasi të mërkurën policia ka pastruar banesën e familjes Ademaj dhe përkohësisht e kishte paraburgosur.

E gjithë kjo, pasi Murtezi kishte injoruar urdhrin për të liruar banesën që nga muaji nëntor i vitit të kaluar, si dhe nuk e ka paguar qiranë e saj. Zëdhënësi i policisë Ernst Vogelsanger, e ka konfirmuar këtë informatë të lëshuar nga “Radio Top”, duke deklaruar se Ademaj përsëri është liruar.

Se ku gjendet aktualisht Murtez Ademaj, policia nuk ka njohuri. Pastrimin e banesës nga policia, e ka urdhëruar prokuroria, pas një vendimi paraprak të Gjykatës së Rrethit të Weinfelden-it. Në vend se të ankohej, kosovari ka vazhduar të kundërshtojë që të dalë nga banesa. “Ishte një situatë shumë e vështirë”, i ka deklaruar Vogelsang Agjencisë telegrafike zvicerane SDA, pasi të gjitha përpjekjet që çështja të zgjidhet me dialog, kishin dështuar.