Sukseset e 9-vjeçares nga Kosova në garat e matematikës

Me gjithë rezultatet e dobët në PISA, ka edhe suksese të nxënësve nga Kosova në garat e dijes në nivel ndërkombëtar

9-vjeçarja Elena Krasniqi përfaqësoi Kosovën në Dubai në garat e matematikës.

Ajo tregoi se në këtë garë ka zënë vendin e parë, por përgatitjet nuk ishin të lehta. E gjitha ka filluar me garat online dhe pastaj vazhdoi edhe me prezencën në Dubai dhe fitoren në garën e matematikës.

Prindërit e saj e kanë lejuar të marrë pjesë në këtë garë, sepse Elena tregon një përkushtim të madh në matematikë. Elena thotë se pjesëmarrja në këtë garë ishte një eksperiencë shumë e mirë për të, por që ka pasur shumë stres dhe emocione.

Edhe ky sukses tregon se shqiptarët kanë shumë talentë, por ato duhet të ndihmohen – së pari me përmirësimin e kushteve të mësimit në shkolla. 

 

---