6 milionë produkte të falsifikuara hiqen nga Amazon

Në vitin 2022 Amazon hoqi më shumë se gjashtë milionë produkte të falsifikuara nga rrjeti i saj global i shpërndarjes dhe bllokoi më shumë se 800 000 përpjekje për të krijuar llogari të reja shitjeje përpara se të publikonin nga 2,5 milionë përpjekje në 2021-ën dhe gjashtë milionë në 2020-ën.

Këto janë të dhënat që përmban “Raporti i tretë Vjetor për Mbrojtjen e Markës” i publikuar nga kompania, i cili gjithashtu nënvizon se janë investuar 1,2 miliardë dollarë dhe janë punësuar më shumë se 15 000 njerëz për të mbrojtur shitjet online nga falsifikimi dhe forma të tjera mashtrimi dhe abuzimi.

Në vitin 2022 ‘’Njësia e Krimeve të Falsifikimit’’ të Amazon paditi, ose raportoi te organet e zbatimit të ligjit më shumë se 1 300 falsifikues, nga 600 në vitin 2021, në SHBA, Britani, BE dhe Kinë.

“Identifikimi, sekuestrimi dhe asgjësimi i duhur i më shumë se gjashtë milionë produkteve të falsifikuara në vitin 2022 i pengoi ato të arrinin te klientët dhe të rishiten diku tjetër në zinxhirin global të furnizimit”, shpjegon kompania.

“Ne jemi krenarë për përparimin që kemi bërë këtë vit, veçanërisht për evolucionin e teknologjisë sonë, e cila na lejon të qëndrojmë përpara falsifikuesve dhe dyfishimit të ndjekjeve penale dhe padive tona”, tha Dharmesh Mehta, nënkryetar, në mbarë botën për shitjen e shërbimeve partnere nga Amazon./ansa