1841 leje pune për qytetarët e Maqedonisë

Autoritetet gjermane kanë lëshuar 1841 leje pune për qytetarët e Maqedonisë në gjashtë muajt e parë të vitit. Interesimi për të punuar në Gjermani është i madh dhe procedurat janë lehtësuar nga qeveria gjermane derisa vitin e kaluar janë dhënë 20 mijë leje të punës për banorët e Ballkanit Perëndimor. Në këtë grup janë përfshirë vendet si Maqedonia, Serbia, Mali i Zi, Kosova, Shqipëria dhe Bosnjë e Hercegovina. Bëhet fjalë për rregulloret e veçanta të miratuara pjesërisht në mënyrë që të reduktohet presioni nga azilkërkuesit dhe për të lehtësuar gjendjen e vështirë sociale në Ballkan, shkruan albinfo.ch.

Për të filluar procedurat për leje pune, aplikanti duhet të ketë një ofertë konkrete pune.
OECD njoftoi të hënën se paralelisht me një numër në rritje të njerëzve që marrin lejet e punës, bie edhe numri i azilkërkuesve. Ndryshe në vitin 2015, disa vende janë gjetur në listë me më së shumti azilkërkues në Gjermani, këtë vit në mesin e dhjetë vendeve me më shumë azilkërkues është vetëm Shqipëria.