150 minuta aktivitet fizik në javë mbron nga kanceri

Në ” Ditën botërore të kancerit”, Organizata Botërore e Shëndetësisë ka lëshuar “Rekomandimet për aktivitetin fizik dhe shëndetin”, ku thuhet se 150 minuta aktivitet i moderuar fizik në javë mund të zvogëlojë rrezikun për paraqitejen e kancerit të gjinjve dhe zorrës së trashë (kolonit).

“Aktiviteti fizik ka një rol të fuqishëm në zvogëlimin e incidences së disa karcinoimave”, ka thënë Dr. Ala Alëan, asistent i drejtorit të përgjithshëm të OBSH-së, i ngarkuar për sëmundjet jongjitëse dhe shëndetin mental. “Joaktiviteti fizik është faktori i rrezikut i katërti  me radhë që shkakton vdekshmërinë totale në botë, diku me 31% të rasteve te popullata joaktive”.

Gjatë vitit 2008 rreth 460 000 femra kanë vdekur nga kanceri i gjirit dhe rreth 610 000 meshkuj dhe femra nga kanceri i zorrës së trashë. Rekomandimet e reja këshillojnë që 150 minuta në javë aktivitet i moderuar fizik (në formë të aerobikut) mbi moshën 18-vjeçare mund ta zvogëlojnë rrezikun nga sëmundjet jokomunikuese, duke përfshirë kancerin e gjinjve dhe zorrës së trashë si dhe diabetin dhe sëmundjet e zemres. Sëmundjet kanceroze, sipas raporteve të OBSH-së, zënë vendin e dytë në botë si shkak i vdekshmërisë, menjëherë pas sëmundjeve kardiovaskulare. Përveç mjekimit në kohë dhe adekuat, ulja e faktorëve të rrezikut është në bazën e strategjive për luftimin e kësaj sëmundjeje.