Kosova
Shteti paguan miliona për qiranë e 17 institucioneve në objekte private
Në çdo vit shteti paguan vlerën prej 1 milion e 696 mijë euro
Në mungesë të hapësirave publike, institucionet e Kosovës punën e tyre e zhvillojnë në objekte private.
Sipas një raporti, 17 prej tyre paguajnë qira mujore për objektet që i shfrytëzojnë.
Sipas të dhënave që ka Ministria e Administratës Publike, kjo shumë çdo vit arrin vlerën prej 1 milion e 696 mijë euro.
Në këtë listë përfshihen 6 ministri e 11 institucione të tjera.
Nga ana tjetër, qiranë më të lartë vjetore e paguan Administrata Tatimore e Kosovës. Vlera e saj arrin në 384 mijë euro ose 32 mijë euro në muaj.
Pas saj radhitet Ministria e Financave, që paguan qira vjetore prej 347 mijë eurosh.
E pas saj, edhe Zyra Kombëtare e Auditimit, ku qiraja vjetore është 175 mijë euro.
Po ashtu, qira vjetore mbi 100 mijë euro paguajnë edhe Agjencia Kosovare për Krahasim dhe Verifikim të Pronës dhe Ministria e Integrimit Evropian, që së fundmi nga ndërtesa e qeverisë ka kaluar në objekt me qira.
Vlera e qirasë vjetore që paguajnë institucionet e tjera publike sillet prej 21 mijë euro më e ulëta, që paguan Instituti Pedagogjik i Kosovës dhe 75 mijë euro që paguan Komisioni i Pavarur i Mediave.
Vlerat milionëshe të pagesave për qira që bëhen çdo vit shihen si të panevojshme nga ana e D+.
Visar Rushiti thotë se buxhetin e ngarkojnë më së shumti agjencitë shtetërore, pasi që një numër i madh i tyre janë në objekte private.
Ai shpjegon se nga të dhënat që ata posedojnë, që nga viti 2013 deri në vitin 2016 janë shpenzuar mbi 7 milionë euro vetëm për qira të institucioneve.
Ndërkaq, buxhetit të shtetit pritet t’i shtohet edhe një shumë tjetër e lartë për objektet me qira.
Ministria e Bujqësisë dhe ajo e Kulturës do të largohen nga objekti ku kanë qenë me vitet të tëra për t’i lënë vendin Presidencës, shkruan “Zyrtare”.
Të ngjashme
Të tjera nga Kosova
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Cila është vaksina e rriqrave në Austri dhe a duhet ta merrni atë? Me rritjen e temperaturave dhe fillimin e sezonit të rriqrave, cila është vaksina e Austrisë ndaj...
-
Si të mos ‘përplaseni’ nga një tren austriak i mbipopulluar?
-
Çfarë më lejohet të bëj në ballkonin tim në Austri?
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?