Zyrtare: Shaqiri nuk udhëton në Beograd

Në listën prej 23-futbollistëve, mungon Xherdan Shaqiri, për arsye politike, derisa trajneri Jurgen Klopp ka treguar arsyet pse nuk e ka ftuar Shaqirin për këtë ndeshje, që zhvillohet të martën

Liverpooli ka publikuar listën për ndeshjen me Yllin e Kuq në Ligën e Kampionëve.

Në listën prej 23-futbollistëve, mungon Xherdan Shaqiri, për arsye politike, derisa trajneri Jurgen Klopp ka treguar arsyet pse nuk e ka ftuar Shaqirin për këtë ndeshje, që zhvillohet të martën, shkruan albinfo.ch.

“Kemi dëgjuar dhe lexuar se çfarë pritje mund të ketë Shaqiri dhe kështu ne nuk e kemi ide se çfarë mund të ndodhte, ne duam të shkojmë atje dhe të jemi të fokusuar 100 për qind në futboll dhe jo në diçka tjetër, kjo është e gjitha”, deklaroi Klopp.

Shaqiri kishte festuar me shqiponjë ndaj Serbisë në Kampionatin Botëror, kur shënoi golin e fitores me Zvicrën 2:1.

“Ne jemi Liverpool FC, një klub i madh, një klub futbolli. Ne nuk japim mesazh politik, absolutisht jo. Ne duam që fokusi të jetë një lojën madhështore të futbollit dhe jo në diçka tjetër.

Ne jemi të etur për të shmangur ndonjë shpërqendrim që do të largonte fokusin tonë për 90 minuta, futbolli është i rëndësishëm, vetëm futbolli.

Pra, për këtë arsye, por ai e pranoi dhe e kuptoi këtë. Shaq është lojtari jonë, ne e duam dhe ai do të luajë për neve në të ardhmen, por jo të martën”, theksoi trajneri gjerman.

Shaqiri kishte shkëlqyer në ndeshjen e parë ndaj skuadrës serbe, derisa ishte fishkëllyer nga tifozët serbë në Angli. E njëjta gjë pritej të ndodhte edhe në Beograd të martën mbrëma.

Xherdan Shaqiri për festën me shqiponjë ishte dënuar nga FIFA me 10 mijë franga.

Lista

Fabinho, Van Dijk, Wijnaldum, Lovren, Milner, Keita, Firmino, Mane, Salah, Gomez, Alisson, Sturridge, Moreno, Lallana, Mignolet, Robertson, Origi, Solanke, Matip, Kelleher, Alexander-Arnold

A 21-man squad has been named for our #UCL trip to Belgrade, but Jürgen Klopp explains why Xherdan Shaqiri will not be involved against Red Star and provides a general injury update… https://t.co/t2AbNKx67H

— Liverpool FC (@LFC) November 5, 2018

---