Zyra e Presidentit tregon gjendjen shëndetësore të Thaçit

Gjendja shëndetësore e Presidentit të Republikës së Kosovës është stabile

Presidenti i Kosovës, Hashim Thaçi, mëngjesin e sotëm është shtrirë në QKUK pas disa komplikimeve shëndetësore që ka pasur.

Lidhur me gjendjen e tij ka reaguar edhe Presidenca e Kosovës, përcjell albinfo.ch.

“Presidenti i Republikës së Kosovës, Hashim Thaçi, pas shqetësimeve të shfaqura nga gurët në veshkë, sot ka shkuar për një kontroll në Emergjencën e QKUK-së dhe më pas është shtrirë në Klinikën e Urologjisë, ku po trajtohet nga personeli mjekësor profesional.

Presidenti i Republikës së Kosovës shpreh mirënjohje për kujdesin e treguar nga i tërë personeli shëndetësor i Qendrës Klinike Universitare të Kosovës.

Gjendja shëndetësore e Presidentit të Republikës së Kosovës është stabile dhe Zyra e Presidentit të Republikës së Kosovës do t’iu mbajë të informuar lidhur me trajtimin që është duke marrë presidenti Thaçi”, thuhet në njoftim.

Thaçi dërgohet në spital

---