Ligjet ekzistuese mjaftojnë për të luftuar terrorizmin

Ligjet zvicerane në fuqi dhe ato të planifikuara që regullojnë fushën e mbrojtjes nga terrorizmi jane plotësisht të mjaftueshme për të ndjekur veprimet terroriste. Ky është qëndrimi që përfaqëson Komisioni për Siguri Politike i Dhomës së Kantoneve të Parlanentit të Zvicrës (SiK), i proklamuar sot.

Sipas komisionit në fjalë, ka rëndësi që sa më shpejt të hyjnë në fuqi ligji i ri mbi Shërbimin Informativ ashtu si dhe ligji i rishikuar mbi përgjimin e rrjetit të postës dhe telegrafit (BÜPF).

Përderisa parlamenti është akoma në fazën e konsultimeve sa i përket ligjit të BÜPF, ai ka miratuar tashmë ligjin e ri mbi Shërbimin Informativ, shkruan srf.ch. Por, për shkak se në lidhje me këtë të fundit është kërkuar vendim përmes referendumit, ai nuk ka mundur të hyjë në fuqi. Për të ndodhur kjo, kërkohet vota e popullit.