Zvicra liron 12 milionë franga të bllokura të Iranit

Paratë u bllokuan për shkak të sanksioneve kundër Iranit nga Zvicra.

Zvicra kishte bllokuar me miliona fondet e Iranit. Pas heqjes së sanksioneve kundër këtij shteti, këto tani janë liruar. Një zëdhënës i Sekretariatit Shtetëror për Çështje Ekonomike (SECO) konfirmoi të dielën për agjencinë e lajmeve SDA lajmin e “NZZ am Sonntag”.

Paratë u përkasin individëve, kompanive apo institucioneve shtetërore. Për rreth 10.000 franga zvicerane ende nuk janë verifikuar pronarët e tyre, tha zëdhënësi.

Për ngrirjen e fondeve të Iranit kishte vendosur Zvicra në mes të 2007 dhe 2012, pas sanksioneve të miratuara në OKB. Me këtë, komuniteti ndërkombëtar dëshironte të detyronte Iranin që të përmbahet nga zhvillimi dhe ndërtimi i një bombe bërthamore.

Me përfundimin e shumicës së sanksioneve Irani mund të ketë një total prej rreth 32 miliardë dollarë në llogari të vet përsëri. Këto para u bllokuan në banka të ndryshme ndërkombëtare.

Disa kompani zvicerane janë duke shpresuar për mundësitë e shitjeve të reja në Iran. Disa nga to ishin në gjendje për të fituar një terren para shqiptimit të sanksioneve.