Zvicra lëshon më pak viza humanitare

Nëse dikush ka aplikuar për një vizë humanitare, fjalën e fundit e ka Zyra Federale për Migracion në Bernë

Që nga tetori, ambasadat zvicerane jashtë vendit nuk do të pranojnë më aplikacione për  azil në Zvicër. Që atëherë njerëzit e kërcënuar mund të shfrytëzonin vetëm mundësinë e marrjes së një vize humanitare. Por deri më tani, Qeveria Federale nuk ka lëshuar asnjë vizë të këtillë.

 

Ambasadat nuk vendosin vetëm, nëse dikush ka aplikuar për një vizë humanitare, fjalën e fundit e ka Zyra Federale për Migracion në Bernë.

 

“Që nga heqja e kërkesave për azil në ambasada,  Zyra Federale ka vendosur për më pak se dhjetë raste të tilla”, thotë zëdhënësja Gaby Szöllözy.

 

“Njerëzit nuk ishin në rrezik akut, që  do të ishte kusht për të marrë një vizë të këtillë”, thotë Szöllözy.

“Ende nuk është marrë asnjë vendim pozitiv, por nuk është që ka pasur shumë kërkesa për viza humanitare.  Kjo mund të ndryshojë”, thotë Szöllözi.

 

Sekretar i Përgjithshëm i Organizatës për Ndihmë të Refugjatëve thotë se është për të habitur se pse deri më tani nuk kishte asnjë ankesë për shkak të vizave të refuzuara.

 

“Duhet të sqarohet në vendin e ngjarjes se çka po ndodh nëpër ambasadat e Zvicrës” , thotë Meiner.

 

“Ne kemi vërejtur gjithashtu se deri në fund të shtatorit ka pasur një numër në rritje të aplikimeve të pranuara “, thonë nga ana tjetër në Zyrën Federale për Migracion

Është e mundshme të vijë një valë e re e aplikimeve për viza humanitare. Pengesat për hyrjen në Zvicër me viza humanitare janë bërë dukshëm më të larta se sa ishin kërkesat për azil në fund shtatorit nëpër ambasada.

 

 

---