Zvicra kundërshton Gjykatën e Strasburgut

GJEDNJ ka konstatuar se në Zvicër të punësuarit me kohë të pjesshme diskriminohen me rastin e kërkimit të pensioneve të invaliditetit

Gjykata Evropiane për të Drejtat e Njeriut (GJEDNJ) në Strasburg do të ketë ende punë me pensionet zvicerane të invaliditetit. Kjo për faktin se Zyra Federale e Drejtësisë do ta atakojë një vendim që gjykata në fjalë e ka marrë gjatë muajit shkurt lidhur me pensionet në fjalë.

GJEDNJ në gjykimin e saj të shkurtit ka konstatuar se në Zvicër të punësuarit me kohë të pjesshme diskriminohen me rastin e kërkimit të pensioneve të invaliditetit. Për ndryshim nga ata që janë të punësuar me normë të plotë ose me të papunët, ata rregullisht marrin pensione më të ulëta.

Pastaj, duke qenë se në 98 për qind të rasteve janë të goditura  femrat, kjo përbën diskriminim. Ndërsa Zyra Federale për Drejtësi kundërshton një qëndrim të tillë.