Zvicra, kampione në shfrytëzimin e hekurudhës

Zvicra, me 2310 km e lë shumë mbrapa Japoninë, që zë vendin e dytë, me 1912 kilometra të kaluara në tren për banor

Zvicra ka përforcuar vendin e parë në botë që e mban prej vitesh në “disiplinën” e shfrytëzimit të komunikacionit hekurudhor. Gjatë vitit 2011 banorët e Zvicrës kanë kaluar mesatarisht nga 2310 kilometra në tren. Kjo distancë është e gjatë sa vija ajrore në mes të Bernës dhe Moskës.

Në krahasim me vitin 2010, kur ata kishin pasur 2258 km, zviceranët në vitin 2011 kanë qarkulluar me tren 52 kilometra më gjatë.

Me këtë kilometrazh, Zvicra e lë shumë mbrapa Japoninë, që zë vendin e dytë, me 1912 kilometra të kaluara në tren për banor.

Në vazhdim të kësaj liste janë banorët e Danimarkës që kalojnë 1804 kilometra në tren brenda vitit, ata të Francës 1338 km dhe të Austrisë 1241 km.