Lajme
Zvicra hoqi disa shtete nga lista e vendeve “me rrezik të lartë”
Zyra Federale e Shëndetit Publik (FOPH) të hënën azhurnoi listën e saj të vendeve që vlerësohet se kanë një rrezik të lartë të infeksionit nga koronavirusi dhe hoqi Belgjikën, Meksikën, Luksemburgun, El Salvadorin, Eswatini (ish-Svaziland), Kazakistanin, Kirgistanin dhe Omanin.
Por, në listën e 55 vendeve me rrezik të lartë shtoi: Kroacinë, Polinezinë Franceze, Guajanën, Libanin, Libinë, Paraguain, San Marino, Trinidad dhe Tobago, Ukrainë dhe Emiratet e Bashkuara Arabe, raporton swissinfo.ch, përcjell Albinfo.ch.
Sipas rregullave zvicerane, kushdo që hyn në Zvicër nga një prej vendeve në listën e re duhet të shkojë në karantinë për dhjetë ditë, për të ndihmuar në frenimin e përhapjes së Covid-19, ose rrezikon një gjobë.
Kush mund të udhëtojë?
Sipas masave aktuale Covid-19, udhëtimi mbetet i mundur midis Zvicrës dhe shumicës së vendeve të tjera të Bashkimit Evropian, EFTA dhe Mbretërinë e Bashkuar.
Sidoqoftë, për shkak të një rritje të infeksioneve udhëtarët nga Zvicra në Mbretërinë e Bashkuar duhet të hyjnë në karantinë për 14 ditë.
Ata që udhëtojnë nga shumica e vendeve jashtë Shëngenit mund të hyjnë në Zvicër vetëm në raste të jashtëzakonshme.
Autoritetet zvicerane kanë krijuar një listë të 19 vendeve të sigurta jo-Shengen të cilat nuk preken nga ky ndalim.
Që nga mesi i prillit Zvicra ka dëshmuar një rritje të ngadaltë të rasteve të reja të koronavirusit në një mesatare shtatë ditore prej 324 në ditë.
Sidoqoftë, numrat ditorë luhaten. Më 4 shtator, 405 raste janë regjistruar në Zvicër dhe Lihtenshtajn gjatë 24 orëve të mëparshme, ndërsa më 7 shtator, ka pasur 191 raste të reja. Pavarësisht rritjes së fundit, Stefan Kuster, kreu i sëmundjeve ngjitëse në FOPH; tha javën e kaluar se ai nuk ishte i shqetësuar. Situata ishte gjithashtu e qëndrueshme për sa i përket shtrimeve në spital dhe vdekjeve, tha ai.
“Për momentin nuk po flasim për një valë të dytë. Po flasim për një rritje të ngadaltë të infeksioneve. Përpjekjet e popullsisë dhe kantoneve po japin fryte”, tha ai.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj