Falë ETH-së, Zvicra, e dymbëdhjeta në botë për cilësinë e arsimit të lartë

Radhitjen e lartë në këtë ranglistë Zvicrës ia ka siguruar kryesisht universiteti Teknik i Cyrihut ETH, i cili madje në mesin e universiteteve sipas radhitjes së bërë nga QS zë vendin e nëntë

Me universitetet dhe shkollat e saj të larta, Zvicra siguron një vend mjaft të lartë në konkurrencën botërore sa i përket cilësisë së arsimit të lartë. Në rangimin e fundit të bërë nga analistët QS ajo radhitet në vendin e dymbëdhjetë në botë.

Si zakonisht, në krye të listës është SHBA, e ndjekur nga Britania e Madhe dhe Gjermania. Ndërsa vendet tjera evropiane  në top dhjetëshen e parë janë edhe Franca në vendin e gjashtë, dhe Holanda në të shtatin. Në vendin e tetë është Kina, në të nëntin Koreja Jugore dhe në të dhjetin, Japonia.

Radhitjen e lartë në këtë ranglistë Zvicrës ia ka siguruar kryesisht universiteti Teknik i Cyrihut ETH, i cili madje në mesin e universiteteve sipas radhitjes së bërë nga QS zë vendin e nëntë.