Zviceranët, më shumë besim te gjyqtarët se te politikanët

Zviceranët kanë më shumë besim te gjyqtarët se sa te politikanët. Një studim i realizuar në nivel të Zvicrës i cili merret me besimin që popullata ka ndaj organeve të jurisprudencës, tregon se qytetarët e këtushëm kanë qëndrim pozitiv ndaj gjykatave kantonale.

Në një shkallë nga 0 deri në 10, qytetarët do t`u jepnin gjykatave notën 7.

“Besimi në gjykatat kantonale është më i madh se ai në qeveritë ose dhe parlamentet e kantoneve”, është shprehur studiuesi Christoph Schwenkel për “Tages Anzeiger”.

Por, përkundër kësaj, drejtësia megjithatë ka problem me imazhin. Arsye për këtë, sipas studiuesit te përmendur është raportimi medial lidhur me proceset gjyqësore.

Për këtë studim janë anketuar 3500 persona.