Zviceranët e diasporës kritikojnë bankat zvicerane

Këto banka lejojnë atyre hapjen e kontove vetëm për ata që deponojnë shuma të mëdha parash

Qytetarët e Zvicrës që jetojnë jashtë vendit kanë shprehur shqetësimet e tyre lidhur me pengesat që së fundi po u dalin në rrugë për të bërë kursime në bankat zvicerane.

Siç është thënë dje në sesionin pranveror të kuvendit të zviceranëve jashtë vendit (ASR) të mbajtur në Bernë këto banka lejojnë atyre hapjen e kontove vetëm për ata që deponojnë shuma të mëdha parash.

“Është e papranueshme që njerëzit, të cilët në vendin ku jetojnë i paguajnë tatimet në mënyrë të rregullt dhe i deklarojnë të ardhurat e tyre, të mos mund të kenë raporte bankare në Zvicër. Ose, që këtë të mund ta bëjnë vetëm kundrejt një kostoje të ngritur.

Së këndejmi, zviceranët jashtë vendit kërkojnë nga bankat dhe autoritetet që të gjejnë zgjidhje me kushte “më të arsyeshme” për ta.