Lajme
Zvicër: Më 2023 më pak vdekje në rrugë, por më shumë lëndime të rënda
Kjo është ajo që del nga statistikat e aksidenteve të vitit 2023 të publikuara nga Zyra Federale e Rrugëve (FEDRO)
Vitin e kaluar 236 persona humbën jetën në rrugët e Zvicrës dhe 4096 u plagosën rëndë. Krahasuar me një vit më parë, ka një rënie të lehtë të vdekjeve, ndërsa numri i të lënduarve rëndë është rritur. Kjo është ajo që del nga statistikat e aksidenteve të vitit 2023 të publikuara nga Zyra Federale e Rrugëve (FEDRO), transmeton albinfo.ch.
Numri i vdekjeve si pasojë e aksidenteve rrugore u ul vitin e kaluar, saktësisht 5 më pak se në vitin 2022. Numri i atyre që pësuan lëndime të rënda u rrit nga 4002 në 4096. Shifrat mbeten të larta, si në vitin 2022. Shifra e vdekjeve (236) është në fakt e dyta më e keqe në pesë vjetët e fundit, që për personat e plagosur rëndë është më e larta në dekadën e fundit. Prandaj, vërehet një përkeqësim i mëtejshëm i aksidenteve të rënda (njerëz që vdesin ose pësojnë lëndime të rënda).
Pas një rritjeje të ndjeshme në vitin 2022, vitin e kaluar pati një tkurrje prej 13,8% të vdekjeve dhe 6,4% të lëndimeve të rënda. Edhe në mesin e elektroçiklistëve, vdekjet u ulën (nga 23 në 16), ndërsa numri i lëndimeve të rënda u rrit me 6,3% (595). Kanë vdekur 26 çiklistë, pra 7 më shumë se një vit më parë (+36,8%), ndërsa të lënduarit rëndë kanë rënë në 733 (-4,7%). Tek këmbësorët, rritja ishte e përhapur, me 42 të vdekur dhe 476 lëndime të rënda, të barabartë me një rritje prej 16,7% dhe 7% respektivisht. Bie në sy edhe rritja e vdekjeve në vendkalimet e këmbësorëve (9 në 2022, 24 në 2023). Së fundi, 50 motoçiklistë vdiqën pas aksidenteve (+4) dhe 1,160 pësuan lëndime të rënda (+9.1%), transmeton tutje albinfo.ch.
Për Zyrën e Parandalimit të Aksidenteve (UPI), ky evolucion duhet të merret “shumë seriozisht”. Kalimet zebra nuk janë një masë sigurie në vetvete, por thjesht një mjet për vendosjen e përparësisë midis trafikut të këmbësorëve dhe automjeteve, nënvizon një deklaratë. Kur një vendkalim për këmbësorët nuk është ndërtuar sipas rregullave ose nuk ndodhet në vendin e duhur, madje mund të ndikojë në sigurinë, shton UPI, duke specifikuar se aspekte të tilla si distanca e dukshmërisë, ndriçimi, frekuenca e këmbësorëve dhe instalimi i ishujve të trafikut janë vendimtare për siguri.
E-Diaspora
-
Muharrem Salihu, i gatshëm për deputet në Parlamentin Evropian Kandidati i parë shqiptar nga Italia për eurodeputet, Muharrem Salihu, vizitoi dje komunitetin shqiptar në provincat...
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës
-
Medina Jusufi Berisha, punon në profesionin që kishte ëndërruar si fëmijë
-
Aviokompania zvicerane që flet shqip
-
LAPSH e Cyrihut përshëndet përpjekjet për institucionalizimin e mësimit shqip në diasporë
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?