Lajme
Zvicër: Iniciativë për “pragun” e pensionimit në moshën 66-vjeçare
Kjo iniciativë kërkon që fillimisht të rritet “pragu” i pensionimit në moshën 66 vjeçare e pastaj ky prag të ndryshojë në varësi nga rritja e moshës mesatare të popullatës
Rritja e moshës për pensionim është prej kohësh një temë që debatohet me të madhe në Zvicër. Mosha e shtyrë që e arrijnë zviceranët si rezultat i mirëqenies, ka bërë që ata pas pensionimit të jetojnë dukshëm më gjatë se më parë. Rrjedhimisht, në vitet e mbetura, ata shpenzojnë fondet për pensione më shumë se që ato mund të akumulohen, shkruan albinfo.ch.
Vetëm dy ditë më parë një studim i OECD-së i rekomandonte Zvicrës moshën 67-vjeçare për pensionim, ndërsa sot është bërë lajm i ditës një iniciativë që synon po këtë gjë. Fjala është për “iniciativën e pensioneve”, të lansuar sot nga të rinjtë e FDP-së (liberalët e rinj), transmeton albinfo.ch mediat zvicerane (sda, srf, etj.)
Kjo iniciativë kërkon që fillimisht (deri në vitin 2032) të rritet “pragu” i pensionimit në moshën 66-vjeçare, e pastaj ky prag të ndryshojë në varësi nga rritja e moshës mesatare të popullatës.
Kështu, në rast se kjo iniciativë do të votohet, atëherë brenda 6 vjetëve në vijim, pragu i pensionimit do të jetë për të gjithë mbushja e moshës 66-vjeçare.
Më konkretisht: për burrat e lindur nga viti 1961 ky prag do të rritet për çdo vit nga dy muaj, ndërsa për gratë e lindura në vitin 1962 e tutje mosha e pensionimit “shtyhet” nga 4 muaj në vit, transmeton albinfo.ch. Sipas iniciativës, në vitin 2032 do të arrihej stabilizimi i moshës 66-vjeçare për pensionim, për të dy gjinitë.
Pjesë e komitetit të kësaj iniciative, përveç liberalëve të rinj, janë edhe një numër deputetësh të FDP-së si: Christa Markwalder, Regine Sauter, Thierry Burkart, Christian Wasserfallen dhe Andrea Caroni.
Pas lansimit, iniciatorët kanë një vit e gjysmë kohë për t`i grumbulluar 100.000 nënshkrimet e nevojshme, sa kërkohen që iniciativa të jetë e gatshme për t`u hedhur në votim.
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Austri
-
Nomadët digjitalë: Kush mund të punojë në distancë në Austri? Pandemia e Covid-19 solli një epokë të re të mundësive të punës në distancë, por të...
-
Lajmet kryesore të Austrisë për këtë të enjte
-
“Haushaltsversicherung”: Si funksionon sigurimi i shtëpisë në Austri?
-
Vjenë
Vjenë: Kori Siparantum, edhe me një paraqitje në skenën prestigjioze
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998