Lajme

Zvicër: 2613 infeksione dhe 2 raste të vdekjes në 24 orët e fundit

Mesatarja e 7 ditëve është tani 1466 raste në ditë ose 150 për qind më shumë se në javën e kaluar

E enjte, 15 Tetor 2020 - 21:35 albinfo.ch
(KEYSTONE/Laurent Gillieron)

Zyra Federale e Shëndetit Publik (BAG) ka raportuar 2613 raste të reja këtë pasdite që kishin rezultuar pozitive për koronavirus në 24 orët e fundit.

Mesatarja e 7 ditëve është tani 1466 raste në ditë ose 150 për qind më shumë se në javën e kaluar, shkruan srf.ch. Shkalla pozitive në një mesatare 7 ditore aktualisht është 11.1 përqind, transmeton albinfo.ch.

Kjo do të thotë se pragu kritik prej 5 për qind është tejkaluar për më shumë se dyfish.

Numri mesatar i testimeve në 7 ditët e fundit është 13,330 teste në ditë dhe kështu është rritur me 32 për qind krahasuar me javën e mëparshme.

BAG po ashtu ka raportuar 2 raste të reja vdekjeje.

Pranimet në spital në 7 ditët e fundit ditore janë 25 persona në ditë që është 131 për qind më shumë se në javën e kaluar.

 Të ngjashme

Privilegj apo sfidë? Një brez mes rrënjëve dhe horizonteve të reja

 Të tjera nga Lajme

Aeroporti i Cyrihut rrit numrin e pasagjerëve

 E-Diaspora

 Jeta në Austri