Lajme
Zjarr në pyjet e Ticinos: Evakuohet popullsia, mbyllet porta doganore
Pas disa javësh thatësire , dje kanë shpërthyer zjarre në Monte Gambarogno, në rrethinën e liqenit Lago Maggiore. Era veriore favorizon flakët dhe pengon shuarjen
Pylli në Monte Gambarogno mbi liqenin Maggiore ndodhet nën flakët e zjarrit që nga mëngjesi i hershëm i të dielës. Sipas policisë së kantonit të Ticinos, është prekur një sipërfaqe prej gjashtë hektarësh, transmeton albinfo.ch. Zjarrfikësit nga Gambarogno dhe Bellinzona janë vazhdimisht në aksion për shuarje.
Tre helikopterë dhe një Super Cougar i ushtrisë po ashtu ndihmojnë për të arritur në zonën e cila është vështirë e arritshme.
Mbrëmjen e së dielës janë evakuuar 45 persona, njofton policia në deklaratën e saj. Ata janë banorë të fshatit Indemini dhe të zonës rreth zjarrit në pyll. Në rehgjion është përshtatur një objekt i mbrojtjes civile për ata që nuk mund të qëndronin tek të afërmit apo të njohurit.
Mësohet se janë kontaktuar edhe autoritetet italiane. Për të shmangur rrezikun, janë mbyllur për qarkullim Qafa Indemini, pika kufitare me Italinë dhe rruga kantonale (nga Fosano).
Shpërthimet e erës pengojnë punën e shuarjes
Era veriore që po fryn prej kohësh, ka shkaktuar thatësi dhe temperatura shumë të buta në Ticinon qendrore dhe jugore. Siç shkruan MeteoSwiss në Twitter, këto shpërthime kanë gjithashtu “efekte anësore të pakëndshme”, përcjell albinfo.ch. Ato ndihmojnë ndezjen e zjarreve në pyje dhe pengojnë punën e shuarjes.
Moti në Ticino është shumë i thatë. Prej datës 8 dhjetor të vitit të kaluar në disa zona nuk ka reshje; Autoritetet, qysh më 13 janar kanë vendosur një ndalim total për zjarret në natyrë
Të ngjashme
Të tjera nga Lajme
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?