Zhegrova kthehet në stërvitje pas lëndimit

Sulmuesi i Kosovës, Edon Zhegrova, është kthyer në stërvitje te skuadra e Lillet pas një kohe të gjatë, përcjell albinfo.ch.

Në mëngjesin e së martës, Lille, ka postuar disa fotografi ku është parë Zhegrova duke stërvitur individualisht.

Lille në përshkrim ka shkruar “një tjetër lajm i mirë”.

Zhegrova, megjithatë, nuk do të jetë i gatshëm për ndeshjen ndaj Borussia Dortmundit.

Lille do të presë Dortmundin të mërkurën nga ora 18:45, në ndeshjen e kthimit të një të tetës së finales së Ligës së Kampionëve. Takimi i parë përfundoi me rezultatin 1:1.

Zhegrova e ka zhvilluar ndeshjen e tij të fundit në kampionatin francez më 14 dhjetor, kundër Marseille-it.