Zgjidhet qeveria e re e Kosovës

Me 65 vota u votua sonte përbërja e re e qeverisë së Kosovës dhe programi qeverisë, në mbledhjen e jashtëzakonshme të Kuvendit

Mandatari për formimin e qeverisë së re, Hashim Thaçi zbuloi emrat e kabinetit qeverisë. Hajredin Kuçi (PDK) do të vazhdojë të mbajë postin e zëvendëskryeministrit, por do të drejtojë edhe Ministrinë e Drejtësisë. Zëvendëskryeministri për njohjet dhe politikë të jashtme do të jetë Edita Tahiri (ADK-PDK).

Mimoza Kusari-Lila (AKR) – ministre e Tregtisë dhe Industrisë dhe zëvendëskryeministre, ndërsa edhe Bujar Bukoshi (Lista “Dr. Ibrahim Rugova”) do të jetë zëvendësministër. Po ashtu zëvendëskryeministër do të jetë Slobodan Petkoviq (SLS).

Bajram Rexhepi (PDK) do të vazhdojë të mbajë postin e ministrit të Punëve të Brendshme, Vlora Çitaku (PDK) – ministre e Integrimit, Enver Hoxhaj (PDK) – ministër i Punëve të Jashtme. Ramë Buja (PDK) –ministër i Arsimit, Shkencës dhe Teknologjisë. Fehmi Mujota (PDK) – ministër i Infrastrukturës.

Memli Krasniqit (PDK) ministër i Kulturës, Rinisë dhe Sporteve, ndërsa Blerand Stavileci (PDK) do të vazhdojë të drejtojë Ministrinë e Bujqësisë dhe të Zhvillimit Rural. Besim Beqaj (PDK) – ministër i Zhvillimit Ekonomik dhe Bedri Hamza (PDK) – ministër i Financave.

Sasha Rashiq (SLS) – ministër i Kthimit dhe Komuniteteve, Radojica Tomiq (SLS) – ministre e Pushtetit Lokal, Nenad Rashiq (SLS) – ministër i Punës dhe Mirëqenies Sociale, Dardan Gashi (Lista ‘Dr. Ibrahim Rugova”) – ministër i Mjedisit dhe i Planifikimit Hapësinor, Mahir Yagcilar (6 Plus) – ministër i Administratës Publike.

Agim Çeku (AKR) – ministër i Forcës së Sigurisë së Kosovës. Ferid Agani (AKR) – ministër i Shëndetësisë.

Kryeministri i sapozgjedhur, Hashim Thaçi, e bëri edhe betimin para deputetëve të Kuvendit.