Zgjerohen hetimet ndaj diktatorëve arabë

Prokuroria Federale ka zgjeruar hetimet e saj lidhur me paratë e bllokuara të diktatorëve egjiptianë dhe tunizianë të rënë nga pushteti. Tash atyre, përveç larjes së parave, u ngarkohet edhe kriminaliteti i organizuar.

“Ne po udhëheqim procedura kundër personave nga rrethi i Zine al-Abidine Ben Ali (Tunizi) dhe Hosni Mubarak (Egjipt) ka thënë një zëdhënëse e prokurorisë në fjalë, duke vërtetuar një raportim të gazetës NZZ am Sonntag”.

Prokuroria nuk ka ofruar të dhëna se për cilët persona është fjala, por ajo që dihet është se në mesin e tyre nuk ka zviceranë.